![\"\"](\"https://www.aravot.am/2011/aravot_arm/May/27/p22.jpg\")
Եգիպտոսը ծրագրում է շաբաթ օրվանից եւ այլեւս ամեն օր, 12 ժամով բացել Գազայի հատված տանող Ռաֆահ սահմանակետը: BBC-ի մատուցմամբ, այդ մասին հաղորդել է երկրի «ՄԵՆԱ» պետական լրատվական գործակալությունը: Իսրայելը 2007թ.- ին Գազայի հատվածը շրջափակման մեջ էր առել, եւ դա տեղի էր ունեցել այն բանից հետո, երբ ՀԱՄԱՍ իսլամիստական շարժումը պաղեստինյան այդ տարածքն իր վերահսկողության տակ էր առել:
Նախագահ Հոսնի Մուբարաքի օրոք, որի իշխանությունը թշնամաբար էր տրամադրված ՀԱՄԱՍ-ի վարչակարգի դեմ, Գազան շրջափակելու հարցում աջակցում էր Իսրայելին, որը պնդում էր, թե դա անհրաժեշտ քայլ է Գազայի հատվածում զենքի մաքսանենգությունը կանխելու համար: Եգիպտական աղբյուրը տեղեկացրել է, թե պաղեստինցի բոլոր տարիքի կանանց, նաեւ՝ միչեւ 18 տարեկան եւ 40-ից բարձր տարիքի տղամարդկանց՝ սահմանակետով անցնելու համար վիզա պետք չի լինի:
Հիշեցնենք, որ Ռաֆահը Գազայի հատվածից դեպի Եգիպտոս տանող այն միակ սահմանապահ անցակետն է, որը Իսրայելի կողմից չի վերահսկվում:
