Հայաստանի բռնցքամարտիկներն ավարտեցին մրցելույթներն Անկարայում ընթացող Եվրոպայի առաջնությունում: Կիսաեզրափակիչ հասած մեր միակ մասնակիցը՝ 60 կգ քաշային Վլադիմիր Սարուխանյանը, այս փուլում միավորների 16:28 տարբերությամբ պարտվեց թուրք մրցակից Ֆատիխ Կելեսին եւ Ուկրաինայի ներկայացուցիչ Վոլոդիմիր Մատվիյչուկի հետ միասին բավարարվեց բրոնզե մեդալով: Վերջինն իր հերթին տանուլ տվեց իտալացի Դոմենիկո Վալենտինոյին՝ 14:24: