NEW
![\"\"](\"https://www.aravot.am/2011/aravot_arm/October/22/p26.jpg\")
Հանրահայտ ջազմեն, կոմպոզիտոր, դաշնակահար Գարի Քյոսայանի ջազ-քառյակը այսուհետեւ կկոչվի Հայկական պետական մանկավարժական համալսարանի Գարի Քյոսայանի ջազ-քառյակ:
Քառյակի համերգով սկիզբ դրվեց նոր պայմանագրային համագործակցության`ամիսը երկու անգամ մանկավարժական համալսարանի ուսանողներն ու պրոֆեսորադասախոսական կազմը հնարավորություն կունենան ունկնդրելու ՀՊՄՀ-ի Գարի Քյոսայանի ջազ-քառյակի համերգները:
«Ստանալով համագործակցության առաջարկ` համաձայնեցի, քանի որ այս համալսարանում տեսնում եմ պոտենցիալ եւ շատ մեծ ակնկալիքներ ունեմ: Կարծում եմ, կստանանք ցանկալի արդյունք. ուսանողներից ոմանք նաեւ կընդգրկվեն մեր խմբում»,- ասաց Գ. Քյոսայանը:
Խոսելով դասական երաժշտության եւ հատկապես ջազի մասին՝ Քյոսայանն ընդգծեց. «Հայաստանում չի քարոզվում բարձրաճաշակ երաժշտությունը: Դրա փոխարեն հեռուստաեթերից հնչում է անմակարդակ, ռաբիս եւ անորակ երաժշտություն: Դա հայ ժողովրդի հանդեպ թշնամություն է, մեր երիտասարդությունը պահանջ ունի լավ երաժշտության»:
