Այսօր կայացած Հայաստանի Հանրապետական կուսակցության (ՀՀԿ) տնտեսական կոնֆերանսի ժամանակ բանաձեւ ընդունվեց, ըստ որի առաջարկվում էր քննարկել ՀՀ կառավարության գործունեության արդյունքների հիման վրա ՀՀԿ այլ թեմատիկ ժողովների անցկացման հարցը: Առաջարկություններն ամփոփել էր նոր ստեղծված խմբագրական հանձնաժողովը, որի նախագահն է Կրթության եւ գիտության նախարար Արմեն Աշոտյանը։ Նա ներկայացրեց համաժողովի մասնակիցներից ստացված առաջարկությունները, որոնք պետք է ներառվեն ՀՀԿ տնտեսական կոնֆերանսի ընդունած բանաձեւում: Նրա խոսքերով՝ բոլոր առաջարկությունների հետ կապված քննարկումներն ավարտվել են դրական: Առաջարկություն էր եղել կարեւոր միջազգային կապերը եւ արտասահմանյան գործընկերների մասնակցութունը կոնֆերանսին, իսկ ՀՀԿ մարզային ու տարածքային կառույցներին առաջարկություն է արել կառավարության բարեփոխումները հասանելի դարձնել ՀՀ ողջ տարածում եւ մարզերում, ՀՀԿ համակիրերին ներկայացնել կառավարության գործունեության արդյունքներն ու տնտեսական կոնֆերանսի բանաձեւը: Վարչապետ Տիգրան Սարգսյանն էլ ավելացրեց, որ առաջարկ է եղել կոնֆերասները ավանդական դարձնել եւ անցկացվեն ոչ միայն Երեւանում, այլեւ՝ մարզերում:
Մեր այն հարցին, թե նման կոնֆերանսներ էլի կլինեն եւ որոնք են լինելու դրանց նպատակները, Ֆինանսների փոխնախարար Վարդան Արամյանը պատասխանեց. «Իհարկե, ապագայի անելիքները ամրագրված են մեր ծրագրերում։ Այսօր 2 նպատակ կա, ցույց տալ, թե ինչ է արվել եւ իրազեկել, որպեսզի կառավարության ջանքերը երեւան՝ կոռուպցիոն վերացնելու համար»։ Այնուհետեւ Ֆինանսների փոխնախարարը ճեպազրույցում ասաց, թե ինչ ճանապարհերով է կառավարությունը նախատեսում լցնել եկող տարվա բյուջեն. «Սովորաբար կանխատեսումները , որ կատարվում են, երկու կողմ ունեն` ինչպիսի տնտեսական աճ ենք ունենալու եւ տնտեսական աճի ցուցանիշից ելնելով՝ որքան հարկ կարող ենք հավաքել»: Նրա խոսքերով՝ կանխատեսվում է 4.2 % իրական աճ, իսկ 4.6 %-ը դեֆլյատորի գնային ցուցանիշն է, ինչը նշանակում է, որ մեր տնտեսությունը եկամտային մասով մոտ 8. 8 % անվանական աճ է գրանցելու եւ դրանից հարկեր են հավաքվելու:
