«Հայ ազգային կոնգրեսի յոթ ակտիվիստների դեմ հարուցված քրեական գործի վարույթը երեկ կիսվել Է։ Սարգիս Գեւորգյանի, Արտակ Կարապետյանի, Դավիթ Քիրամիջյանի եւ այժմ կալանքի տակ գտնվող Տիգրան Առաքելյանի մասով գործը առանձնացվել Է, եւ ՀՔԾ-ն հայտարարել Է նախաքննության ավարտի մասին։ Առաջիկա օրերին պաշտպաններին հնարավորություն կտրվի ծանոթանալ գործի նյութերին եւ միջնորդություններ ներկայացնել, որից հետո մեղադրական եզրակացությունը կուղարկվի դատարան՝ ըստ Էության քննվելու համար։ Այս մասին երեկ երիտասարդներին հայտնել Է ՀՔԾ քննիչ Գեւորգ Գեւորգյանը։ Գետրգյանն ու Քիրամիջյանը մեղադրվում են խուլիգանություն կատարելու, իսկ Կարապետյանն ու Առաքելյանը՝ նաեւ ոստիկաններին դիմադրություն ցույց տալու համար։ Գեւորգ Գեւորգյանը երեկ հայտնել Է նաեւ, որ մյուս երեք երիտասարդներ Վահագն Գեւորգյանի, Արեգ Գեւորգյանի եւ Սահակ Մուրադյանի մասով գործը մնացել Է ՀՔԾ-ում, եւ դրանց նախաքննությունը շարունակվում Է։ Հայ ազգային կոնգրեսի յոթ երիտասարդները օգոստոսի 9-ին դաժան ծեծի Էին ենթարկվել ոստիկանության կարմիրբերետավորների կողմից՝ «Խնկո Ապոր» գրադարանի մոտ, ինչից հետո բերման էին ենթարկվել ոստիկանության Կենտրոնի բաժին։ Մի քանի օր անց ազատ Էին արձակվել երիտասարդներից 6-ը, իսկ Տիգրան Առաքելյանը դեռեւս գտնվում Է կալանքի տակ։
«Հայկական ժամանակ»
