Քաղաքական կուսակցությունները, կույրերին անտեսելով, ընտրողների լուրջ զանգված են կորցնում: Այսօրվա ասուլիսում նման տեսակետ հայտնեց «Հարմոնիա» հ/կ նախագահ Ալբերտ Աբգարյանը: Նրա խոսքերով, նախընտրական շրջանում բոլոր կուսակցությունները իրենց գերակա ծրագրերում ընդգրկում են հաշմանդամների խնդիրների լուծմանն առնչվող քայլեր, բայց նրանց խոստումներն այդպես էչ մնում են թղթերի վրա: «Վերջին տարիներին ոչ մի առաջընթաց չի նատվել»,- դժգոհեց պարոն Աբգարյանը: Կույրերի առաջնային խնդիրներից նա առանձնացրեց հատկապես տրանսպորտային, կրթական ու զբաղվածության հարցերը: Ըստ նրա, Հայաստանում հաշվառված 6000 կույրերից աշխատում են մատների վրա հաշված երջանիկները: Պարոն Աբգարյանը դժգոհեց, որ պետությունը չի խրախուսում գործատուներին, որ տեսողության հետ խնդիրներ ունեցող անձանց աշխատանքի վերցնեն:
Արփինե ՍԻՄՈՆՅԱՆ
