Ինչպես արդեն հաղորդել ենք, նոյեմբերի 21-ին ժամը 17.20-ի սահմաններում Հրազդանի կիրճով անցնող ջրանցքում խեղդվելիս են եղել 3 երիտասարդներ, որոնց շուտով օգնության են հասել անցորդներ: Ջրանցքից հանվել են 18-ամյա Արուսյակ Խաչատրյանն ու 17-ամյա Լևոն Սաֆարյանը, որոնք ներկայումս Շտապօգնության հիվանդանոցում են, սակայն 3-րդ երիտասարդին` Արթուր Աղայանին (18-20 տարեկան), չի հաջողվել փրկել. նրան էլ են դուրս բերել ջրից, սակայն նա արդեն ջրահեղձ էր եղել: Ինչպես հաղորդել էր ֆոտոլրագրող Գագիկ Շամշյանը՝ խեղդվող երիտասարդներին փրկածներից երկուսը Շիրակի մարզի բնակիչներ են` Կարեն և Սպարտակ անուններով, մյուսը Արգավանդի բնակիչ է` անունը Գևորգ: Երիտասարդները հրաժարվել են ֆոտոլրագրող Գագիկ Շամշյանին այլ մանրամասներ հայտնել` պատճառաբանելով, թե իրենք կատարել են իրենց քաղաքացիական պարտքը:
