«Նոր Ժամանակներ» կուսակցության 6-րդ համագումարը հավատարիմ մնալով 2003թ. դեկտեմբերի 2-ի հիմնադիր համագումարում հաստատված կուսակցության ծրագրին, որի արտաքին քաղաքականություն բաժնի 10-րդ ենթաբաժնում մասնավորապես ամրագրված է, որ
Հայաստան-Եվրասիական տնտեսական համագործակցության երկրներ հարաբերությունները պետք է ընթանան հետևյալ համատեքստում`
Եվրասիական տնտեսական համագործակցության` գործնականորեն կայացման դեպքում Հայաստանը դիտորդի կարգավիճակից պետք է անցնի այդ համագործակցության լիիրավ անդամի կարգավիճակի, ինչը հատկապես տնտեսական առումով հսկայական օգուտներ կարող է բերել Հայաստանին;
Կարդացեք նաև
միաժամանակ հաշվի առնելով, որ
ա/ ՌԴ-ն իր ավելի քան 3 մլրդ դոլլար ներդրումներով շարունակում է մնալ ՀՀ տնտեսության մեջ ամենամեծ հաշվեկշիռ ունեցող արտաքին գործընկերը;
բ/ ՌԴ-ն փաստացի հանդիսանում է ՀՀ էներգետիկ անվտանգության հիմնական պատասխանատուն, թե գազի և թե էլեկտրաէներգիայի ապահովման գործում;
գ/ ՌԴ ռազմական հենակետը հանդիսանում է ՀՀ ռազմական անվտանգության երաշխավորը կովկասյան տարածաշրջանում;
դ/ ՌԴ-ն և ՀՀ-ն շաղկապում են դարավոր պատմություն ունեցող ընդհանուր հաղթանակները և ամենամեծաթիվ հայկական սփյուռքի առկայությունն այդ երկրում;
ե/ Եվրասիական Միության ընտանիքին Հայաստանի մաս կազմելու դեպքում որևէ ձևով չեն սահմանափակվելու նրա` որպես ինքնիշխան երկրի գործառույթները;
«Նոր Ժամանակներ» կուսակցության 6-րդ համագումարը որոշում է.
Հայաստանի Հանրապետությունը անվերապահորեն պետք է միանա 2011 թվականի նոյեմբերի 18-ին Մոսկվայում` Ռուսաստանի Դաշնության, Ղազախստանի և Բելոռուսի ղեկավարների կողմից «Եվրասիական տնտեսական միություն» ստեղծելու մասին արդեն ստորագրված հուշագրին:
