Այսօր՝ դեկտեմբերի 9-ին, կրակոց է հնչել Երևանում:
Ինչպես aravot.am-ին հայտնում է ֆոտոլրագրող Գագիկ Շամշյանը, ժամը 16:00-ի սահմաններում կրակոց է հնչել Արաբկիր վարչական շրջանում գտնվող Հայ-ռուսական (սլավոնական) համալսարնում:
Գագիկ Շամշյանը հայտնում է, որ ականատեսներն իրեն պատմել են, որ նշված բուհում մի քանի ուսանողներ վիճաբանելիս են եղել, նրանց է մոտեցել բուհի անվտանգության ծառայության աշխատակիցը և փորձել է կարգի հրավիրել: Այդ ժամանակ ուսանողներից մեկն իր մոտ եղած գազային ատրճանակով կրակել է և դիմել է փախուստի:
Արդեն ոստիկանության Արաբկիրի բաժնի աշխատակիցները ձեռնարկված օպերատիվ ինֆորմացիայի արդյունքում պարզել են վիճաբանության հիմնական մասնակիցներին և կրակողին:
Նախաքննության շահերից ելնելով՝ այս պահին ֆոտոլրագրող Գագիկ Շամշյանը չի հայտնում նրանց ինքնությունը:
Փաստի առթիվ ոստիկանության Արաբկիրի բաժնի հետաքննչական բաժանմունքում հետաքննություն է սկսվել:
