ԱՄՆ-ի նախագահ Բարաք Օբաման գործարար աշխարհի ղեկավարներին եկող շաբաթ հորդորելու է աշխատատեղեր պահպանել ԱՄՆ-ում եւ հրաժարվել ձեռնարկություններն այլ երկրներ տեղափոխելու փորձառությունից։
Օբաման Սպիտակ տանը չորեքշաբթի օրն ընդունելու է մի շարք բիզնեսմենների, այդ թվում նրանց, ովքեր աշխատատեղ են ստեղծել ԱՄՆ-ում, այլ ոչ թե գայթակղվել այլ երկրների էժան աշխատուժով։
Գործարարների հետ հանդիպում անցկացնելու մտադրությունն առաջ է եկել այն բանից հետո, երբ պարզվել է, որ դեկտեմբերի ամսին ԱՄՆ-ում բացվել է 2ՕՕ հազար նոր աշխատատեղ։
Աշխատատեղերի ավելացումը հատկապես այս ամիսներին շատ կարեւոր է Օբամայի համար, որը վերընտրվելու հարցում մեծապես ունի միջին դասի աջակցության կարիքը։
Աշխատանքի նախարարությունն ուրբաթ օրը հրապարակած զեկույցով տեղեկացնում է, որ գործազրկության մակարդակը 2ՕՕ9 թվականից ի վեր հասել է նվազագույն մակարդակի՝ կազմելով 8.5 տոկոս։
Բոլոր աշխատատեղերը բացվել են մասնավոր սեկտորում, հատկապես տրանսպորտի, առեւտրի, արդյունաբերության ու առողջապահության բնագավառներում։
Գործատեղերի կրճատումները շարունակվում են պետական սեկտորում, որտեղ փակվել է 12 հազար աշխատատեղ։
«Ամերիկայի ձայն»
