«Շաբաթվա իմ ամենասիրելի օրը ուրբաթն է, վերջապես մոտենում են հանգստյան 2 հիասքանչ օրերը: Ուրբաթ վերջակետ ես դնում աշխատանքիդ ու դասերիդ, որ շաբաթ, կիրակի վայելես երկօրյա հանգիստդ: Իսկ ամենաատելի օրը երկուշաբթին է, որովհետև փոքրիկ հանգստից հետո մի փոքր դժվար է առավոտյան շուտ արթնանալ ու վազել դասի, կամ աշխատանք»,- ասում է 20-ամյա Աննան
Ընդունված կարծիք է` երկուշաբթին ամենածանր օրն է: Սակայն ըստ հետազոտությունների` շաբաթվա ամենածանր օրը չորեքշաբթին է: Հիմնականում սպանությունները տեղի են ունենում շաբաթվա կեսերին: Երկուշաբթի և երեքշաբթի օրերի սթրեսը մարդկանց հոգեմաշ է անում, իսկ արդեն չորեքշաբթի օրը, որը համարվում է շաբաթվա կեսը` մարդիկ ինքնասպանություն են փորձում գործել:
«Այս ամենից խուսափելու համար որոշ հնարքներ գոյություն ունեն, որոնք հուսահատությունը կթողնեն հետևում և թույլ չեն տա դիմել ծայրահեղ միջոցների: Առավոտյան սուրճի մեջ մի փոքր դարչին լցրեք, դա ոչ միայն անհագստությունն է վերացնում, այլև բարձրացնում է տոնուսը: Փորձեք հնարավորին չափ լավ տրամադրություն ունենալ շաբաթվա կեսերին: Մեքենա վարելիս (հատկապես չորեքշաբթի) լավ երաժշտություն լսեք: Այդ դեպքում երթևեկությունը չի նյարդայնացնի Ձեզ: Կան գույներ, որոնք տրամադրություն են ստեղծում, օրինակ` դեղինը պայծառություն է իսկ կարմիրը` հաճելի հուզմունք, փորձեք հաճախ օգտվել այս գույներից և չմոռանաք ծաղիկների մասին, նրանք նույնպես բարձրացնում են տրամադրություն»,- խորհուրդ է տալիս հոգեբան` Կարինե Հովհաննիսյանը:
Սոսե Մուրադյան
