Հետաքրքիր տեսարանի ականատես եղավ «Առավոտի»թղթակիցը: Տավուշի մարզի բնակչին զանգահարեց Երեւանի բեզնես կառույցներից մեկի անվտանգության ծառայությունում աշխատող նրա որդին: Այդ «օբյեկտի» տերը Հայաստանի բարձրաստիճան ղեկավարներից է: Երիտասարդը ծնողին ասաց, որ իրենից աշխատավայրում 15 «ձայն են ուզել», այլապես սպառնալով աշխատանքից ազատել: «Ձայները» ՀՀԿ-ի համար են: Երիտասարդը ծնողին հայտնեց, որ պետք են 15 հոգու անձնագրային տվյալները:
«Չեմ կարող, առանց փողի ձայն չեմ տալու, ահագին պարտքեր ունեմ»,-առարկեց երիտասարդի ծնողը, ով գործազուրկ է: Երիտասարդի, բիզնես կառույցի եւ նրա ղեկավարի անունները չեմ նշում՝ մտավախություն ունենալով, որ դրա համար կարիքավոր ընտանիքի տղային կազատեն աշխատանքից: Իսկ այդ աշխատանքում նա դժվարությամբ է տեղավորվել եւ Հայաստանի չափանիշներով «նորմալ» աշխատավարձ է ստանում:
Ոսկան ՍԱՐԳՍՅԱՆ