«Մի տեսակ ծիծաղս գալիս է: Այս հինգ տարին ի՞նչ արին, այդ հավատքով եկանք այստեղ կանգնեցինք, որ հաջորդ հինգ տարիներին ի՞նչ անեն: Ամոթ է, գոնե այդ կարգախոսը չընտրեին»,- Հանրապետական կուսակցության՝ «Հավատանք, որ փոխենք» կարգախոսին անդրադառնալով՝ Aravot.am-ի հետ զրույցում ասաց խաղաղ պայմաններում բանակում մահացած զինվորներից մեկի հորաքույրը: Նրա խոսքերով, այս իշխանություններին արմատախիլ անել է պետք. «Այնպես կորեն, որ մեր աչքին չերեւան… անունները լսել անգամ չեմ ուզում»:
Ցուցարար Նանա Մուրադյանն էլ ասաց, նախագահ Սերժ Սարգսյանի խոստումից ավելի քան մեկ տարի է անցել, բայց ոչինչ չի փոխվել. «Մեզ խոստացավ, որ ամեն ինչ կանի, որ այս սպանությունները բացահայտվեն, բայց մինչեւ այսօր ոչ մի բան, ում հավատանք, որ կարգախոսն էլ սազը առած՝ ման է գալիս: Թող մինչեւ հիմա մի բան փոխեր, որ հավատայինք»:
Արփինե ՍԻՄՈՆՅԱՆ
Կարդացեք նաև
