Այսօր «Մետրոպոլ» հյուրանոցում տեղի ունեցավ Հայաստանի երիտասարդության ազգային զեկույցի հետազոտական մասի հանրային ներկայացումը: Երիտասարդական միջոցառումների իրականացման կենտրոն ՊՈԱԿ տնօրեն Դավիթ Հայրապետյանն Aravot.am-ին ասաց, որ զեկույցը լույս է տեսնում հինգ տարին մեկ: Վերջինի մեջ ներգրավված են 5 տարիների ընթացքում կատարված հետազոտությունները: Հետազոտության «առարկան»18- 30 տարեկան երիտասարդներն են, որպես հատուկ հետաքրքրություն ներկայացնող խումբ է սահմանվել ուսանողությունը: Հետազոտություններն իրականացվել են այն ոլորտներում, որտեղ շատ են երիտասարդները:
Aravot.am-ի հետ զրույցում պարոն Հայրապետյանը կարևորեց հատկապես երիտասարդության ազգային ինքնության, զբաղվածության ու միգրացիայի խնդիրները: Նա նշեց, որ երիտասարդությանը հուզող եւս 10 խնդիր ներկայացված է հետազոտության մեջ:
Միջոցառմանը ներկա էր ՀՀ Սպորտի և երիտասարդության հարցերով փոխնախարար Արսեն Քարամյանը:: Նա հայտարարեց, թե «Զեկույցի ներկայացմամբ մենք ուզում ենք հետաքրքրություն մտցնել խնդիրների լուծման մեջ: Բոլոր գերատեսչություններին կուղարկվեն վերլուծությունները»:
Կարդացեք նաև
Արամ ԱՐԱՐԱՏՅԱՆ
