Հայաստանի Հանրապետության կենտրոնական ընտրական հանձնաժողովն այսօրվա արտահերթ նիստում քննարկել է 06.05.2012թ. Ազգային ժողովի համամասնական ընտրակարգով ընտրություններին մասնակցող կուսակցությունների և կուսակցությունների դաշինքի նախընտրական հիմնադրամներ կատարված մուծումների և դրանց օգտագործման վերաբերյալ երրորդ հայտարարագրերի ստուգման արդյունքում կազմված տեղեկանքը` 01.04.2012թ-06.05.2012թ. ժամանակահատվածի համար:
ՀՀ ԿԸՀ վերահսկիչ-վերստուգիչ ծառայության ղեկավար Սևակ Հովհաննիսյանը նշել է, որ գրանցված բոլոր ութ կուսակցություններն ու կուսակցությունների մեկ դաշինքն սահմանված կարգով և ժամկետներում են վերահսկիչ-վերստուգիչ ծառայություն ներկայացրել երրորդ հայտարարագրերը, որոնց տվյալները համադրվել են ՀՀ կենտրոնական բանկի կողմից ստացված տեղեկատվության, ինչպես նաև հայտարարագրերում ամրագրված ծախսերը հիմնավորող փաստաթղթերի հետ: Ներկայացվել է նաև տեղեկատվություն` Ազգային ժողովի համամասնական ընտրակարգով ընտրություններին մասնակցող կուսակցությունների և կուսակցությունների դաշինքի նախընտրական հիմնադրամներ կատարված մուծումների, ՀՀ ընտրական օրենսգրքի 26-րդ հոդվածի 2-րդ մասով նկարագրված ապրանքների և ծառայությունների ձեռքբերման շուկայական արժեքների ընդհանուր չափի, այդ ապրանքների և ծառայությունների ձեռքբերման համար հիմնադրամներից կատարված ծախսերի փաստացի չափի, հիմնադրամների միջոցներից կատարված` հայտարարագրման ոչ ենթակա ծախսերի ընդհանուր չափի, հիմնադրամների միջոցներից կատարված բոլոր ծախսերի ընդհանուր չափի, հիմնադրամներում մնացած միջոցների, ինչպես նաև ապրանքների և ծառայությունների ձեռքբերման հետ կապված, դեռ չվճարված, դրամական պարտավորությունների չափի վերաբերյալ:
Արտահերթ նիստում քննարկվել են նաև «Իրավունքների պաշտպանություն առանց սահմանների» հասարակական կազմակերպության նախագահ Սիրանուշ Սահակյանի, քաղաքացի Ռուբեն Թորոսյանի և Ի. Հարությունյանի դիմումները:
ԿԸՀ մամլո ծառայություն
Կարդացեք նաև
