Պորտուգալական «Record» հանդեսը հրապարակել է ընթերցողներից մեկի նամակը, որում հեղինակը պատմում է, որ Պորտուգալիայի եւ Մադրիդի «Ռեալի» հարձակվող Կրիշտիանու Ռոնալդուն հրաժարվել է ինքնագիր տալ իր աղջկան:
Նամակագրի խոսքերով, Ռոնալդուն արհամարել է 10-ամյա աղջնակի խնդրանքն այն բանի համար, որ երեխան հավաքականի մարզումից հետո նրան մոտեցել է «Բարսելոնայի» մարզաշապիկ հագած: «Դա մոր նվերն էր, որ նա բերել էր բարսելոնյան ուղեվորությունից: Եթե մայրը Մադրիդ մեկնած լիներ, հասկանալի է, «Ռեալի» մարզաշապիկ կգներ: Շատ ցավալի էր փոքրիկի աչքերում վիրավորանք տեսնելը», – գրել է հայրը:
Աշոտ ՀԱԿՈԲՅԱՆ
