Գավառի բժշկակական կենտրոնի հիմնանորոգումից եւ վերազինումից հետո ավելացել է շտապօգնության ծառայությունից օգտվողների թիվը:
Ծառայության եւ կանչերի ավելացումը պայմանավորված է բարեկարգ ճանապարհների, հեռավորության կրճատման, շտապօգնության նոր մեքենաների առկայության եւ նոր սարքավորումների ձեռքբերման հետ, ինչպես նաեւ էլ կապի ծառայության բարելավման հետ:
Առաջ շրջանում ապրող բնակիչները, զանգահարելով 1-03, միանում էին մայրաքաղաքի շտապօգնության ծառայությանը, այսօր հավաքելով նույն համարը, միանգամից կապ են հասատատում Գավառի բժշկական կենտրոնի հետ:
Ինչպես Առավոտին հայտնեց Գավառի բժշկական կենտրոնի շտապօգնության բժիշկ Տիգրան Մարգարյանը` 2012 հունվարից մինչեւ այսօր կենտրոնում արդեն գրանցվել է շուրջ1550 կանչ, որից 1014-ը` առաջին եռամսյակում: Ըստ շտապօգնության բժշկի` օրական գրանցվում է 10-15 կանչ, որոնք սպասարկվել են ժամանակին եւ ամբողջությամբ:
Կարդացեք նաև
Կանչերը հիմնականում գրանցվում են սրտանոթային համակարգի, միզաքարային եւ միզածորանային հիվանդությունների, ճնշման տատանումների, թունավորումների եւ այլ դեպքերում:
Անի ՊՈՂՈՍՅԱՆ
