«Հարսնաքար»-ի գործով տուժող կողմի ներկայացուցիչներ Տիգրան Եգորյանին ու Լուսինե Հակոբյանին ոստիկանությունը տվել է ևս 5 աշխատանքային օր ժամանակ՝ մինչև օգոստոսի 18-ը ներառյալ, գործի նյութերին ծանոթանալու և գործի վերաբերյալ միջնորդություններ ներկայացնելու համար: Այդ մասին «Փաստինֆո» գործակալության թղթակցին հայտնեց փաստաբան Տիգրան Եգորյանը:
Հիշեցնենք, որ «Հարսնաքար» ռեստորանային համալիրի բակում հունիսի 17-ի բռնարարքի գործով տուժող Վահե Ավետյանի իրավահաջորդի ու տուժողների ներկայացուցիչներին տրվել էր մեկ օր ժամանակ 1000 էջից ավելի 3 հատոր կազմող գործի նյութերին ծանոթանալու ու դրա ավարտին գործի վերաբերյալ միջնորդություններ ներկայացնելու համար: Տրամադրված ժամկետը կողմը գնահատել էր որպես ոչ ողջամիտ և միջնորդել էր երկարացնել գործի նյութերին ծանոթանալու ժամկետը, ինչը մերժվել էր: Սակայն դատախազությունը հանձնարարել էր ոստիկանությանը ևս մի քանի օր ժամանակ տրամադրել կողմին:
«ՓԱՍՏԻՆՖՈ»
