«Հայաստանի Հանրապետությունը միջազգային դատարաններից բոլոր հայցադիմումները, դիմումները հետ էր վերցնելու, որոնք կապված էին Ադրբեջանի, Արցախի հետ․արդյոք այդ հայցադիմումները, դիմումները արդեն հետ վերցրե՞լ ենք, թե՞ չէ, ինչ կարգավիճակում են գտնվում, և եթե հետ ենք վերցրել, արդյո՞ք դա Հայաստանի Հանրապետության հարկատուների մասով … ի՞նչ ծախսեր են նախատեսված եղել, ու այդ ծախսերն արդեն տրվա՞ծ են, թե՞ չէ։ Դրա մեջ կարող է լինել, չգիտեմ, փորձագետի գումար, թարգմանությունների գումար, փաստաբանների կատարած արդեն իսկ աշխատանքի գումար»,- խորհրդարանում՝ 2027 թվականի բյուջեի նախագծի քննարկումների ժամանակ վարչապետի աշխատակազմի ղեկավար Լիլիթ Մակունցին հարցրեց «Ուժեղ Հայաստան» խմբակցության պատգամավոր Ռուբեն Մխիթարյանը։
Հիշեցնենք, բյուջեից 4 միլիարդ դրամ էր նախատեսված միջազգային դատարաններում գործընթացների համար։
«Նախ ուզում եմ ընդգծել, որ Հայաստանի Հանրապետությունը չի հրաժարվելու երբեք իր շահերի պաշտպանությունն իրականացնել միջազգային որևէ ատյանում և շարունակելու է դրանք անել։ Ինչ վերաբերում է Հայաստանի և Ադրբեջանի միջև գոյություն ունեցող վեճերին, ապա արտաքին գործերի նախարարությունը, արտաքին գործերի և միջազգային առևտրի նախարարությունը նշել է, ինչպես նաև վարչապետը, խաղաղության գործընթացի տրամաբանության մեջ կարող է, իհարկե, որոշում կայացվել հետ քաշել միմյանց նկատմամբ հայցերը։ Բայց սա չի նշանակում, դա խաղաղության տրամաբանության գործընթաց է, և այն պարագայում, եթե Հայաստանի Հանրապետությունը և Ադրբեջանի Հանրապետությունը վերջնական ստորագրեն խաղաղության պայմանագիր․․․»։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
