Այսօր Սյունիքի մարզի ընդհանուր իրավասության դատարանի Գորիսի նստավայրում նշանակված էր Գորիսի տարածաշրջանի Հարթաշենի գյուղապետ Ազատ Ղուկասյանի դատական նիստը, ում դեմ քրեական գործ էր հարուցվել գյուղի դպրոցի անչափահաս 14-ամյա աղջկա նկատմամբ անառակաբարո գործողություններ իրականացնելու մեղադրանքով: Դատավարությունն ընթանում է դռնփակ պայմաններում, ինչպես եւ նախորդ 2 նիստերի ժամանակ, որը վարում է դատավոր Նապոլեոն Օհանյանը: Գործի ընթացքից որեւէ տեղեկատվություն ստանալ չհաջողվեց, քանի որ ամբաստանյալն ի սկզբանե չի ցանկացել, որ դատական նիստերից մանրամասներ հրապարակվեն: Մեր ունեցած տեղեկություններով` գործընթացը միջնորդությունների փուլում է եւ հաջորդ նիստը նշանակվել է օգոստոսի 30-ին: Ըստ նախնական տվյալների` վճռի օրը` ամենայն հավանականությամբ սեպտեմբերին, նիստը կկայանա դռնբաց:
Մերի ՍՈՂՈՄՈՆՅԱՆ
