Մինչեւ 2016 թվականը դեռ չորս տարի կա, ու ոչ ոք չգիտի, թե այդ ընթացքում հայ-ադրբեջանական հարաբերություններում ինչեր կլինեն: Այնպես որ, մեր շախմատիստները Բաքվում կայանալիք համաշխարհային օլիմպիադային մասնակցելու հարցում կողմնորոշվելու բավականին ժամանակ ունեն:
Սակայն դրանից առաջ ադրբեջանցիներն են կանգնած լինելու լուրջ որոշում կայացնելու առջեւ` մասնակցե՞լ 2014 թվականին Երեւանում կայանալիք Եվրոպայի անհատական առաջնությանը եւ 2015 թվականի աշխարհի թիմային առաջնությանը, որը նույնպես, ամենայն հավանականությամբ, կանցկացվի մեզ մոտ: Եթե գան, մերոնց մեկնելու մասին գուցե կարելի լինի մտածել: Իսկ եթե` ոչ, մեր շախմատիստներն էլ նույն կերպ վարվելու լրիվ իրավունք կունենան:
Իսկ ի՞նչ կլինի, եթե օլիմպիական եռակի եւ աշխարհի թիմային չեմպիոն Հայաստանը չմեկնի Բաքու: Շախմատային օլիմպիադան մակարդակի առումով մեծապես կտուժի: Չնայած՝ դա կարող է ձեռնտու լինել թե կազմակերպիչ երկրի, թե այդ մրցումներում մեր հավաքականին մշտապես զիջող մրցակից թիմերին:
Կարդացեք նաև
Աշոտ ՀԱԿՈԲՅԱՆ
