Վրաստանի խորհրդարանը այսօր վստահության քվե է տվել կառավարության նոր կազմին` «Վրացական երազանք» դաշինքի առաջնորդ Բիձինա Իվանիշվիլիի գլխավորությամբ։
«Թրենդ» լրատվական գործակալության փոխանցմամբ` նոր կառավարության հաստատման օգտին քվեարկել է 88, դեմ` 54 պատգամավոր։
Դեմ է քվեարկել խորհրդարանական փոքրամասնությունը` նախագահ Միխեիլ Սաակաշվիլիի «Միացյալ ազգային շարժում» կուսակցության պատգամավորները։ Խմբակցության ղեկավար, խորհրդարանի նախկին նախագահ Դավիթ Բաքրաձեն հայտարարել է, որ փոքրամասնությունը չի կարող իր վրա վերցնել նոր կառավարության գործունեության համար պատասխանատվությունը, բայց նրան հաջողություններ է մաղթում։
«Պետք է հասկանաք, որ սա արդեն ոչ թե «Վրացական երազանք»-ի, այլ Վրաստանի՛ կառավարությունն է», – ընդգծել է Բաքրաձեն։
Կարդացեք նաև
«Ազատություն» ռադիոկայան
