ՀԱԿ պատգամավոր Լյուդմիլա Սարգսյանն օրերս հրավիրած ասուլիսում խոսելով ԱԺ-ի Toyota Camry մեքենաների մասին՝ առաջարկեց էժան լինելու համար գազ դնել:
Այսօր Aravot.am-ի հետ զրույցում ՀՀԿ խմբակցության ղեկավար Գալուստ Սահակյանն այդ առաջարկն այսպես մեկնաբանեց. «Դրանով դիվիդենտներ չի կարելի հավաքել, որովհետեւ քյասիբ մտածողությունը ծնում է քյասիբ պետություն: Մի պարագայում էլ ասում էին մեքենաների հարցը: Այսօրվա պարկն այնքան հնացած է, ամեն մի մեքենայի վրա ավելի է ծախսվում, քան մի նորմալ մեքենա ունենալ եւ մի 5 տարի ընդհանրապես սարքավորումներ գնելու կամ սարքելու խնդիրներ չունենալ: Իսկ ընդհանուր առմամբ, մենք պիտի պատշաճ ներկայանանք նաեւ միջազգային հանրությանը եւ մեր միջազգային գործընկերներին: Առավել եւս պիտի ասեմ՝ մեր ծախսերը ԱԺ-ի, եթե համեմատում ենք այլ խորհրդարանական պետությունների հետ, իհարկե, տարածքով չափելով նաեւ մեր պետության հետ, 20-25 տոկոս էլ չի կազմում»:
Հռիփսիմե ՋԵԲԵՋՅԱՆ
