Թիվ 1/07 եւ եւ 1/11 տեղամասային կենտրոններից Ս.Սաֆարյանի վստահված անձինք՝ Սուսաննա Մուրադյանը եւ Հովսեփ Խուրշուդյանը շարունակում են ահազանգել, որ թանաքանյութը հաշված րոպեների ընթացքում անհետանում է անձնագրերից: Ս.Մուրադյանը կազմել է արձանագրություն, սակայն հանձնաժողովի նախագահը հրաժարվել է այն գրանցել գրանցամատյանում:
Aravot.am- ն այս ահազանգերի հետ կապված զրուցեց ընտրատարածքային ընտրական հանձնաժողովի նախագահ Գեղամ Հայրապետյանի հետ. «Թանաքը նորից փայտով խառնել ենք, տեսնենք կմնա՞, թե՞ չի մնա: Կնիքը երեւոմ է, բայց կողքի քիչ մասը չի երեւում, իսկ այդ շեղանկյունը մի անգամվա օգտագործման համար է»:
Նրա խոսքերով, այս պահին ահազանգերի հետքերով տեղամաս է այցելել ԿԸՀ ներկայացուցիչը ու անձամբ խնդրի մասին ահազանգել ԿԸՀ նախագահ Տիգրան Մուկուչյանին:
Մեր հարցին, թե ինչու է Ս.Մուրադյանի կազմած արձանագրությունը հանձնաժողովի նախագահը հրաժարվել գրանցել գրանցամատյանում, պարոն Հայրապետյանը պատասխանեց.«Տիկին Բախշյանը դրսում ինչ-որ մեկի անձնագրում տեսել է ու հայտարարել է, իսկ նախագահն ասում է՝ ինձ ցույց չեն տվել, որ անձնագիրը, ինչ արձանագրության մասին է խոսքը»:
Կարդացեք նաև
Արփինե ՍԻՄՈՆՅԱՆ
