«Դեկտեմբերի վերջին, հունվարի սկզբին պարզ կլինեն ընտրությունների մանրամասները: Առանձին ՀԱԿ-ի համար դժվար կլինի, իսկ եթե ԲՀԿ-ի նախագահ Գագիկ Ծառուկյանը չառաջադրվի, ապա ՀԱԿ-ը ստիպված կլինի առաջադրել ՀՀ առաջին նախագահ Լևոն Տեր- Պետրոսյանին»,- այսօր լրագրողների հետ հանդիպման ժամանակ նշեց «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը:
Նրա պնդմամբ բոլոր ընդդիմադիր ուժերը մի ուժի շուրջ չեն համախմբվի, քանի որ կան լիդերներ, ովքեր հազիվ թե համախմբվեն ԲՀԿ նախագահի շուրջ, սակայն Ծառուկյանին ՀԱԿ-ը կսատարի.
«Եթե Ծառուկյանը դնի իր թեկնածությունը ապա գործող նախագահին մեծ մրցակից կավելանա: Նա կդնի, եթե դա չլինի, ապա իմիջի կորուստ կլինի: Գագիկ Ծառուկյանը եւ Սերժ Սարգսյանը պայքարում են իրենց շահերի համար, ոչ թե Ռուսաստանի: Մեծ տերությունները կօգնեն այն թեկնածուին, ով կկարողանա ինքն իրեն օգնել: Նրանք կհամագործակցեն այն մարդու հետ, ով կդառնա երկրի նախագահը, սակայն արտաքին ուժերի ուշադրությունը Հայաստանի ընտրությունների հանդեպ այդքան էլ մեծ չէ»:
Կարդացեք նաև
Քաղաքագետի համոզմամբ Սերժ Սարգսյանը կհաղթի, եթե Ծառուկյանը չդնի իր թեկնածությունը:
Անժելա ՇԱՀՈՒՄՅԱՆ