«Մի կեղծեք պատմությունը, ես իրավունք ունեմ իմանալ ճշմարտությունը»,- այսօր այս գրառությամբ երկու հրապարակախոս Մարդու իրավունքների պաշտպանության օրվա առիթով ԵՊՀ պատմության ֆակուլտետի շենքի առջեւ լուռ բողոքի ակցիա անցկացրին: Ակցիան ուղղված էր ԵՊՀ պատմության ֆակուլտետի դեկան Էդիկ Մինասյանի համահեղինակած պատմության դասագիրքի դեմ:
«Պատմության ֆակուլտետի արտադրած դասագրքում կեղծված է պատմությունը… եւ քանի որ այսօր մարդու իրավունքների պաշտպանության միջազգային օրն է, ուզում ենք հիշեցնել, որ պատմությունը եւս իրավունքների մի կծիկ է, որը իրավունք ունենք իմանալ ճշմարտությամբ, ոչ թե ցանկալիով»,- ասաց հրապարակախոս Զարուհի Հովհաննիսյանը:
Հրապարակախոս Արա Նեդոլյանն էլ հավելեց, որ պատմության ֆակուլտետի դեկանին ՀՀ քաղաքացիներն են վճարում, որ դասավանդի եւ ինքը դեմ է, որ դեկանն իր աշխատանքը չի անում:
Արփինե ՍԻՄՈՆՅԱՆ
Կարդացեք նաև
