Մարքսիստական կուսակցության նախագահ Դավիթ Հակոբյանի համար էպոսագետ Վարդան Սեդրակյանի թեկնածությունը նախագահական ընտրություններում անլուրջ է:
«Էպոսագետ է, բժիշկ է, դասատու, թե բանասեր, թե հեռակա ավարտած էլեկտրիկ … սրանք ինչ կապ ունեն նախագահական, քաղաքական գաղափարախոսության հետ, որ դրանց անունները տալիս եք: Դրանք արհեստական մտցված մարդիկ են: Դուք անընդհատ ուզում եք կապել ինձ հիմարների հետ»,- դժգոհեց պարոն Հակոբյանը:
Էպոսագետի ծրագրերն էլ առանց լսելու մարքսիստը անիրատեսական ու անլուրջ համարեց:
Կարդացեք նաև
Հիշեցնենք, այսօր էպոսագետը հայտարարել էր, թե նախագահ դառնալուց հետո, լուծարելու է ԱԺ-ն, վերացնելու է մեծամասնական ընտրակարգը, ճանաչելու է Արցախի անկախությունը եւ Նախիջեւանն ու Ջավախքը Հայաստանին է միավորելու:
«Ես մեջլիս եմ մտնում ոչ թե այս կամ այն թափթփուկների հետ վիճաբանության կամ երկխոսության մեջ մտնելու համար, այլ մտնում եմ սկզբունքորեն այլ նպատակների համար: Տակ չտո, ինձ բացարձակ հետաքրքիր չէ: Երբ որ ես բրիֆինգ կանեմ, իմ ծրագրային դրույթները պաշտոնապես կներկայացնեմ, տեղյակ կպահեմ»:
Նա նաեւ հավելեց, որ ինքը գաղափարական մարտավարության կողմնակից է. «Հասկացա՞ք: Բարոյական իրավունք չունեմ խառնվել նրանց ծրագրերին: Անհայտությունից դուրս պրծած մարդկանց հետ մեջլիս չեմ ուզում մտնել»:
Արփինե ՍԻՄՈՆՅԱՆ
