«Համաշխարհային ջրհեղեղը, որը նկարագրված է աստվածաշնչյան Նոյյան տապան պատմությունում, հավանաբար տեղի է ունեցել»,- ասել է ստորջրյա հետազոտող Ռոբերտ Բալլարդը, որը հայտնաբերել էր Տիտանիկը:
«Էյ Բի ՍԻ նյուզ» -ին տված հարցազրույցում Բալլարդն ասել է, որ նա հետազոտել է Կոլումբիայի համալսարանի երկու գիտնականների կողմից առաջ քաշված տեսությունը, ըստ որի սևծովյան տարածքում խոշոր ջրհեղեղ է եղել:
Բալլարդը պատմել է, որ իրենք մեկնել էին այդ տարածքները, որպեսզի ջրհեղեղի հետքեր գտնեն: Թեպետ նրանք տապանը չեն գտել, սակայն գտել են հնադարյան ջրափնյա գիծ, որն ըստ Բալլարդի ապացուցում է, որ ջրհեղեղ է եղել մոտ Մ.Թ.Ա. 5000թ.: Բալլարդը նաև նշել է, որ ջրհեղեղի պատճառով ջրի տակ է անցել 150 000 քկմ տարածք:
Չնայած Բալլարդը չի հավատում, որ երբևէ կգտնի Նոյյան տապանը, բայց համոզված է, որ կարող է հայտնաբերել հնագույն վերացած քաղաքակրթություն:
Կարդացեք նաև
Պատրաստեց Հովհաննես ԻՇԽԱՆՅԱՆԸ
