«Ծառուկյանն իր որոշումը կայացրել է. կարող է դա ինչ-որ մարդկանց համար անսպասելի էր, ինչ-որ մարդկանց համար սպասելի էր ի սկզբանե: Չեմ ուզում դրանց անդրադառնալ: Բայց, այդուհանդերձ, որովհետեւ քաղաքական զարգացումներն այս վերջին ամիսների ամբողջ ընթացքում քաղաքական կուլիսներում են եղել՝ դեռ հստակ չի՝ ի վերջո, քաղաքական դաշտն ամբողջական, զարգացումները դո՞ւրս են գալիս ստվերից, թե՞ ոչ, որպեսզի վերջնական գնահատական տալ»,- Aravot.am-ի հետ զրույցում անդրադառնալով առաջիկա նախագահական ընտրությունների վերաբերյալ ԲՀԿ քաղխորհրդի տարածած որոշմանն, ասաց «Ժառանգություն» խորհրդարանական խմբակցության ղեկավար Ռուբիկ Հակոբյանը:
Մեր զրուցակցի կարծիքով՝ զուտ այն փաստը, որ Գագիկ Ծառուկյանը հայտարարել է, որ չի մասնակցում առաջիկա նախագահական ընտրություններին, որոշակի հստակություն մտցնում է առաջիկա քաղաքական զարգացումների մեջ, բայց ոչ ամբողջությամբ. «Ցավոք, այս ամբողջ ընթացքում քաղաքական դաշտը ստվերային զարգացումներ են կառավարել, որը, կարծում եմ, իր չափից դուրս բացասական հետեւանքներն է ունեցել»:
Նելլի ԳՐԻԳՈՐՅԱՆ
Կարդացեք նաև
