ՀՀ տրանսպորտի և կապի նախարարությանը Վրաստանի ճանապարհային դեպարտամենտից հայտնում են, որ ձյան և մերկասառույցի պատճառով Մցխեթա-Ստեփանցմինդա-Լարս ավտոճանապարհի 20կմ-106կմ, Գուդաուրի (Փոստա)-Քոբի հատվածի 93 կմ-106 կմ հատվածում երթևեկությունն արգելված է կցորդների, կիսակցորդների, 30-ից ավելի նստատեղ ունեցող ավտոբուսների համար:
Այլ փոխադրամիջոցների համար երթևեկությունը թույլատրելի է՝ անվաշղթաների կիրառման դեպքում:
Ձնահոսքերից պաշտպանվելու նպատակով` Գուդաուրի(Փոստա)-Քոբի հատվածում երթևեկության շարժն իրականացվում է թունելներով:
Ճանապարհի այլ հատվածներում՝ շարժն ազատ է:
ԱԻՆ
