Պայմանագրային զինծառայողը կալանավորվել է 8 տարեկան աղջնակի նկատմամբ սեքսուալ բնույթի բռնի գործողություններ կատարելու մեղադրանքով։
«Փաստինֆո» գործակալության ունեցած տեղեկությունների համաձայն, դեպքը տեղի է ունեցել ամիսներ առաջ՝ 2012 թվականի օգոստոսի 12-ին։ Ըստ մեղադրական եզրակացության, Եղվարդի բնակիչ, պայմանագրային զինծառայող, շարքային Ա.Առաքելյանը խմած փորձել է իր սեռական կրքերին խաթարված ձևով հագուրդ տալ և իր իսկ ննջարանում սեռական բնույթի բռնի գործողություններ կատարել 8-ամյա Լանայի (անունը փոխված է) նկատմամբ, պարտադրել վերջինիս ձեռք տալ իր սեռական օրգանին….
Պաշտպանության նախարարության քննչական վարչությունը Առաքելյանին մեղադրանք է առաջադրել ՀՀ քրեական օրենսգրքի 139-րդ հոդվածի («Սեքսուալ բնույթի բռնի գործողությունները») 3-րդ մասով նախատեսված հանցանք: Մեղադրանքի հաստատման դեպքում նրան սպասվում է ազատազրկում 8-15 տարի ժամկետով:
Քննչական մարմնի միջնորդության հիման վրա դատարանը Առաքելյանի նկատմամբ որպես խափանման միջոց է կիրառել կալանավորումը:
