Հեռուստատեսությունում կամ գովազդային պաստառներում երևալու երիտասարդ մոսկվացիների անհաղթահարելի ցանկության շնորհիվ Հայաստանցի 18-ամյա աղջիկը մի քանի ամիս գումար էր աշխատում: Գրում է «Վեչեռնայա Մոսկվա» թերթը:
Երիտասարդ աղջիկը, որը ներկայանում էր Ալյոնա անունով, շոու բիզնեսում աշխատանք փնտրողների համար կայքում գտնում էր սկսնակ աստղերի և նրանցից փող շորթում՝ խոստանալով անհավանական պայմանագրեր առաջատար ընկերությունների հետ:
Նրա խաբեությանը զոհ դարձածները պատմում են, որ նա հրաշալի առաջարկ էր անում ու ասում, որ պարտադիր է ունենալ մոդելային դպրոցի դիպլոմ և առաջարկում ինչ-որ գումարի դիմաց նրանց համար պատրաստել այդ դիպլոմը: Գումարը ստանալուց հետո նա այլևս չէր պատասխանում նրանց հաղորդագրություններին:
Մի քանի խաբվածներ համախմբվելով՝ կարողացել են համացանցում դուրս գալ նրա հետքերի վրա: Իրավապահ մարմինները նրան ձերբակալել են, հարցաքննության ժամանակ աղջիկը խոստովանել է իր մեղքը:
Կարդացեք նաև
Մեղադրյալի իսկական անունն է Կարինե, նա Ռուսաստան է գնացել մի քանի ամիս առաջ: Մոսկվայում նրան չի հաջողվել աշխատանք գտնել, ինչն էլ նրան դրդել է հանցավոր ճանապարհով շարժվել:
Պատրաստեց Հովհաննես ԻՇԽԱՆՅԱՆԸ