Քաղաքացի Համլետ Նիկողոսյանը ահազանգել է ՀՀ մարդու իրավունքների պաշտպանի գրասենյակի «Թեժ գիծ» և հայտնել, որ Արագածոտնի մարզի գյուղապետերը հարկադրում են ՀՀ նախագահական ընտրություններին իրենց ձայնը տալ գործող նախագահի օգտին:
ՀՀ ոստիկանության շտաբի կողմից գրությունը 16.02.2013 թ. ուղարկվել է ՀՀ ոստիկանության Արագածոտնի մարզային վարչություն` հանգամանքները ստուգելու համար:
***
Ըստ ՀՀ Մարդու իրավունքների պաշտպանի գրասենյակից ոստիկանությունում ստացված գրության՝ քաղաքացի Գարեգին Վարդանյանը ահազանգել է ՄԻՊ «Թեժ գիծ» և հայտնել, որ նախընտրական քարոզարշավի ընթացքում որոշ վստահված անձինք պարտադրում և հարկադրում են ընտրել գործող նախագահին:
Կարդացեք նաև
ՀՀ ոստիկանության շտաբի կողմից գրությունը 16.02.2013 թ. ուղարկվել է ՀՀ ոստիկանության Երևան քաղաքի վարչություն` հանգամանքները ստուգելու համար:
***
Քաղաքացի Հենրիկ Արշակյանը ահազանգել է ՀՀ մարդու իրավունքների պաշտպանի գրասենյակի «Թեժ գիծ» և հայտնել, որ նախընտրական քարոզարշավի ընթացքում ընտրակաշառքներ են բաժանում:
ՀՀ ոստիկանության շտաբի կողմից գրությունը 16.02.2013 թ. ուղարկվել է ՀՀ ոստիկանության Երևան քաղաքի վարչություն` հանգամանքները ստուգելու համար:
***
Քաղաքացի Խաչիկ Վարդանյանը ահազանգել է ՀՀ մարդու իրավունքների պաշտպանի գրասենյակի «Թեժ գիծ» և հայտնել, որ իրենց ստիպել են մասնակցել նախագահի նախընտրական քարոզարշավին:
ՀՀ ոստիկանության շտաբի կողմից գրությունը 16.02.2013 թ. ուղարկվել է ՀՀ ոստիկանությանԵրևան քաղաքի վարչություն` հանգամանքները ստուգելու համար:
ՀՀ նախագահական ընտրությունների քարոզարշավի ընթացքում ընտրախախտումների դեպքերով կատարվող քննությունների վերաբերյալ
ՀՀ Նախագահական ընտրությունների նախընտրական քարոզարշավի ընթացքում տեղի ունեցած ընտրախախտումների վերաբերյալ ստացված տեղեկություններով, փետրվարի 16-ի դրությամբ, քննարկվել և քննարկման փուլում է գտնվում 45 դեպք, որից որպես ստուգման ենթակա տեղեկություն նախապատրաստվել է 2 նյութ և անհիմն լինելու պատճառով եզրակացությամբ թողնվել է անհետևանք, 7 դեպքով որոշում է կայացվել քրեական գործի հարուցումը մերժելու մասին, 36 դեպքերով նախաքննության և հետաքննության մարմինների կողմից նախապատրաստվում են նյութեր, որոնցից 3 դեպքով՝ ՀՀ հատուկ քննչական ծառայությունում, 1 դեպքով հարուցվել է քրեական գործ, որի նախաքննությունը վարում է ՀՀ ԱԱԾ քննչական վարչությունը, իսկ 1 դեպքով ՀՀ գլխավոր դատախազության կողմից ուղարկվել է տարածքային դատախազություն` քննարկման:
Հրապարակման մեջ մատնանշված տեղեկությունները ստուգելու նպատակով ոստիկանությունում նախապատրաստվում են նյութեր
Փետրվարի 15-ին համացանցում զետեղված «Շիրակացու փողոցի թիվ 75/ա շենքի բնակիչներին ընտրակաշառքներ են բաժանվում» հրապարակման մեջ մատնանշված տեղեկությունները ստուգելու նպատակով ոստիկանության Գյումրիի քննչական բաժնում նախապատրաստվում են նյութեր:
Ոստիկանության Գյումրիի քննչական բաժնում նախապատրաստվում են նյութեր
Փետրվարի 15-ին համացանցում զետեղված «Ղանդիլյան և Մուսաելյան փողոցների բնակիչներին 5000 դրամ ընտրակաշառք են բաժանում» հոդվածում նշված փաստերի հիման վրա ոստիկանության Գյումրիի քննչական բաժնում նախապատրաստվում են նյութեր:
Ընտրակաշառք բաժանելու վերաբերյալ տեղեկությունները ստուգելու նպատակով ոստիկանությունում նյութեր են նախապատրաստվում
Փետրվարի 15-ին համացանցում զետեղված «ՀՀԿ կամավորների կողմից կեսգիշերին 5000 դրամ ընտրակաշառքներ են բաժանվում» հոդվածում նշված փաստերը ստուգելու նպատակով ոստիկանության Գյումրիի քննչական բաժնում նախապատրաստվում են նյութեր:
ՀՀ ոստիկանություն
