Տեր-Պետրոսյանն ասում է, որ Րաֆֆին դեռ գործ չի անում, իսկ ինքը հստակ ծրագիր ուներ:
«Հայաստանում լուրջ իրադարձություններ են տեղի ունենում: Առայժմ միայն տեսնում եմ ժողովրդի գործը: Ժողովուրդն ընդվզել է, ինչպես դրանից առաջ ընդվզել է բոլոր կեղծված ընտրությունների ժամանակ… Արդյունքները ինձ համար միանշանակ են: Սերժ Սարգսյանը չի ընտրվել, հաղթել է Րաֆֆի Հովհաննիսյանը, ես ոչ մի կասկած չունեմ,- այսօր ՀՀՇ արտահերթ համագումարում հայտարարեց ՀՀ առաջին նախագահ Լեւոն Տեր-Պետրոսյանը:- Եթե բողոքի ընդվզումը չհասնի իր նպատակին՝ Սերժը եւս 5 տարի լինելու է ոչ օրինակարգ, ոչ լեգիտիմ նախագահ:
Ցավոք, միջազգային հանրությունը օրհնել է Սերժին, վերցրել իր պաշտպանության տակ: Ես չեմ տեսնում որեւէ միջամտություն արտաքին աշխարհից, որպեսզի ստիպեն Սերժին վերանայել այս ընտրությունների արդյունքները»:
Նա վստահեցրեց, որ Արեւմուտքի համար ՀՀ նախընտրելի նախագահը Սերժ Սարգսյանն է, ու ասաց, որ ինքը դա գիտակցել է դեռ 2007-ից. «Եվ դա չեն էլ թաքցնում»: Պարոն Տեր-Պետրոսյանի համոզմամբ՝ Արեւմուտքը Սերժ Սարգսյանին է նախընտրում, որովհետեւ նա զիջումների գնաց: Ըստ առաջին նախագահի՝ պարոն Սարգսյանը, համաձայնելով հայ եւ թուրք պատմաբանների հանձնաժողովի ստեղծմանը, փրկեց ԱՄՆ նախագահ Բարաք Օբամային. «Վերջացավ, մեռավ, ջարդեց, ցեղասպանեց ցեղասպանության ճանաչման հարցը: Հիմա ինչպես պետք է Արեւմուտքը նախընտրեր ինձ կամ Րաֆֆի Հովհաննիսյանին»:
Կարդացեք նաև
Անդրադառնալով «Ազատության» հրապարակում ձեւավորված ժողովրդական շարժմանը՝ պրն Տեր-Պետրոսյանն ասաց. «Ժողովրդի գործը տեսա, բայց չեմ տեսնում ժողովրդի բողոքական զանգվածի ղեկավարողների գործը: Տեսնում եմ խոսքերը, ճառերը, բայց գործողությունը կամ գործողությունների ծրագիրը չկա: Հիմա կարող են ինձ իրավացիորեն հարց տալ՝ իսկ երբ որ դու էիր հանրավաքներ կազմակերպում, ես ունե՞ի: Այո, ունեի: Ունեի եւ հրաշալի ձեւակերպել էի այդ խնդիրը, հստակ ծրագիր էր, հաջողության հասնող ծրագիր»: Ըստ նրա՝ իր առաջադրած ծրագիրն էր «պետական մեքենայի ճաքերը», եւ պետական մեքենան կփլուզվեր, եթե եւս 20 օր հնարավորություն ունենային շարունակելու պայքարը:
ՀԱԿ առաջնորդն ասաց. «Ես որեւէ խորհուրդ տալու իրավունք էլ չունեմ այս նոր ընդվզման ղեկավարներին, ծիծաղելի կլիներ: Բայց ուշիուշով կհետեւենք իրադարձությունների զարգացմանը եւ, եթե տեսնենք՝ ճիշտ հունով է գնում, մեր միջամտության կարիքը կա՝ մենք անհրաժեշտ պահին կլինենք ժողովրդի կողքին: Հիմա էլ այդ հրապարակի կեսից ավելին Կոնգրեսի ժողովուրդն է»:
Արփինե ՍԻՄՈՆՅԱՆ
Հարգելի,՝ Լևոն Տեր-Պետրոսյան: Ինչպես Դուք եք ասում,՝-Ընդունեք, որ Հրապարակի կեսից
ավելին կոնգրեսի ժողովուրդն է: Ապա Դուք ոչ մի վարկյան չպետք է հապաղեք այնտեղ լինելու,
գոնե ի հարգանք այդ կեսից ավելին, որոնք հիմա էլ Ձեզ են սպասում, որպես հարազատ ծնողի
խոսքին կարոտով սպասող: Ես իրավունք ունեմ նույնիսկ Ձեզանից պահանջելու, քանի որ ես այն տասնյակ հազարներից մեկն եմ, որը հավատացել և հավատում է Ձեր խոսքին:
«…մենք անհրաժեշտ պահին կլինենք ժողովրդի կողքին»
Մեծարգո նախագահ ճիշտ պահ 96-ին էր սա ընդամենը նրա հետեւանքն է: