Այսօր՝ մարտի 3-ին, խոշոր ավտովթար-վրաերթ է տեղի ունեցել Երևանում։
Ժամը 19։30-ի սահմաններում Երևանի Տիգրան Մեծի պողոտայում բախվել են «Բենթլի» մակնիշի առանց համարանիշի, «Կռայսլեր» մակնիշի 80 QՕ 777 և «Նիսան Մաքսիմա» մակնիշի 28 ՕՕ 376 համարանիշի ավտոմեքենաները։
Ինչպես shamshyan.com-ում հայտնում է ֆոտոլրագրող Գագիկ Շամշյանը, վթարից հետո դեռևս չպարզված հանգամանքներում նշված ավտոմեքենաներից մեկի վարորդը վրաերթի է ենթարկել մի տղամարդու, ում քաղաքացիների օգնությամբ տեղափոխել են «Էրեբունի» բժշկական կենտրոն։
Ըստ տեղեկությունների՝ վրաերթի ենթարկվածը հիվանդանոցում մահացել է։
Մինչ ոստիկանների ժամանումը, ինչ-որ երիտասարդներ «Բենթլի»-ի վրայից հանել են համարանիշները, որոնք, ըստ ֆոտոլրագրողի, եղել են 77 777, իսկ նշված ավտոմեքենան պատկանում է հեղինակություն համարվող Վստրեչի Ապերի եղբոր տղային։
Ոստիկանությունը պարզում է վարորդների և վրաերթի ենթարկվածի ինքնությունը։
Մանրամասները՝ քիչ ուշ
