Թուրքիայի Ժողովրդահանրապետական կուսակցությունը պահանջում է խորհրդարանական հետաքննություն անցկացնել Թուրքիայում հայ ներգաղթյալների խնդիրները պարզելու և լուծելու համար: Գրում է «Հյուրիեթ» թերթը:
Պահանջի հիմնավորման մեջ, որը ԺՀԿ-ի փոխնախագահ Սեզգին Թանըրքուլուի և նրա գործընկերների ստորագրություններով ներկայացվել է խորհրդարանի խոսնակին, նշված է, որ ներգաղթյալները ապրում են այնպիսի ծանր վիճակում, որը կարող է մահվան հասցնել:
Փաստաթղթի մեջ նաև ընդգծված է հայ կնոջ՝ Նարինե Մկրտչյանի ինքնասպանության դեպքը, որը տնտեսական պատճառներով Հայաստանից մեկնել էր Ստամբուլ. «Կարծում ենք, որ բազմաթիվ ողբերգություններ կան, որոնք հիշեցնում են Նարինե Մկրտչյանի դեպքը», – Փաստաթղթում նաև հիշեցվում է վարչապետ Ռեջեփ Թայիփ Էրդողանի 2010թ. խոսքը, թե Թուրքիայում ապրում է ավելի քան 100.000 հայ, որոնք Թուրքիայի քաղաքացի չեն:
«Կառավարությունը, որն իրեն չի զսպում հայ ներգաղթյալներին որպես խաղաքարտ օգտագործելուց, պետք է քայլեր ձեռնարկի նրանց կյանքը բարելավելու համար», – ասված է փաստաթղթում:
Կարդացեք նաև
Պատրաստեց Հովհաննես ԻՇԽԱՆՅԱՆԸ
