ՀԱԿ ավագանու թեկնածու Արման Մուսինյանն իր ելույթը Ազատության հրապարակում տեղի ունեցող հանրահավաքում սկսեց իրեն նախորդած ավագանու թեկնածու Վլադիմիր Կարապետյանի հարցին պատասխանելով: Թե ինչո՞ւ որեւէ մեկը ՀՀԿ-ում Տարոն Մարգարյանին չի հարցնում՝ որտեղից նրան այդքան մեծ հարստությունը: «Եթե որեւէ մեկը նրան հարցնի՝ որտեղի՞ց, Տարոնը պտտվելու է ու նույն հարցը տա նրան… Վարչախումբը հանցագործություններով միմյանց կապված խումբ է»,- ասաց Ա. Մուսինյանը:
Նրա խոսքերով, նախագահական ընտրություններից հետո հասարակության հիասթափության ու անտարբերության ալիքն այս քարոզարշավի ընթացքում իրենք կարողացել են մեղմել եւ ակտիվացնել հասարակությանը. «Այս հարցին մեծապես օգնել է նաեւ իշխող ռեժիմը՝ մտքից զուրկ, ծաղիկ, փուչիկ քարոզչությամբ եւ իր խոսուն թեկնածուով»:
Նրա խոսքերով, այս ընթացքում իշխանությունները ամեն ինչ փորձեցին անել, որ այս ընտրությունները դառնան կենցաղային. «Իշխանություններին մի բան է մնացել կեղծել, գողանալ, զավթել ժողովրդի ձայնը, ուրիշ ճանապարհ չունեն, հրապարակում են կեղծ տվյալներ, որ երեւանցիների հիսուն տոկոսը Տարոնին ամենախելացի մարդն է համարում: Գժի տեղ են դրել երեւանցիներին: Իրենց տվյալներով՝ ՀԱԿ- ն ունի երեք տոկոս: Հարց է առաջանում՝ ցույց տվեք որեւէ երկիր, որտեղ իշխանության ղեկին գտնվող ուժը պայքարում է երեք տոկոս ձայն ունեցող ուժի դեմ՝ իրենց խուժանին ՀԱԿ ակտիվիստների վրա քսի տալով, ուժային կառույցների միջոցով մեզ հետեւելով… Սա ոչ այլ ինչ է , քան այն, որ նրանք վախեցած ու սփրթնած են ՀԱԿ-ի թիմի ունակություններից, քաղաքական թիմի ռազմավարական եւ ճշգրիտ հաշվարկներ անելու կարողություններից: Ի տարբերություն վարչախմբի, մենք հողին կպած քաղաքական ուժ ենք, իրական ուժ. ալեկոծություններ, կորուստներ ենք ունեցել, բայց հենց դրանով ենք ուժեղ: ՀՀԿ-ին իշխանությունից հեռացնելու պարագայում ՀՀԿ-ից մնալու է միայն Հ տառը»:
Նրա խոսքերով, ՀԱԿ-ը հաղթելու ռեալ շանս ունի. «Եթե մենք եւ մյուս ոչ իշխանական ուժերը լարում ենք մեր ուժերը, կազմակերպում գրագետ դիմադրություն ՀՀԿ-ի ծրագրած կեղծքիների դեմ, մայիսի վեցին Երեւանի քաղաքապետի աթոռին հայտնվելու է ոչ իշխանական քաղաքապետ: ՀՀ-ում ստեղծվելու է սահուն հեղափոխության տեսանելի ճանապարհային քարտեզ»:
Կարդացեք նաև
Արփինե ՍԻՄՈՆՅԱՆ
ԱՅՈ, իշխանությունները գժի տեղ են դրել մեզ:
Դա այդպես է արդեն երկար ժամանակ: Դա իհարկե ցավալի է, բայց ավելի ցավալի է այն որ երևանցին հանդուրժում է դա: Երևանցիներ, եկեք հարգենք ինքներս մեզ և թույլ չտանք որ մեզ գժի տեղ դնեն: Եթե մենք ընտրենք իշխանության թեկնածուին, կկորցնենք Երևանը:
Ժողովրդին պատկանող շատ բաներ ծախել կերել էն՝ Երևանն էլ կծախեն, կուտեն: Ոչ մի դեպքում չի կարելի թույլ տալ որ նրանց սանձարձակ ու լկտի խոստումները հույս ներշնչեն երևանցիներին: Մենք պետք է հաղթահարենք մեր վախը, հաղթահարենք մեր երկմտությունը, հաղթահարենք մեր կասկածները և ոչ մի դեպքում մեր ձայնը չտանք ու չընտրենք ժողովրդին կեղեքող, ժողովրդին արհամարող, ժողովրդին կործանման տանող ՀՀԿ թեկնածուին: Եթե մենք դա անենք, մենք ինքներս մեզ կուղղորդենք դեպի ինքնակործանում: Բայց մենք արժանի չենք դրան:
Մենք արժանի ենք ամենալավ, ամենաապահով, ամենաերջանիկ Հայաստան կերտելու, որի առաջին քայլը ներկա իշխանությունը տապալելն է: Ուրեմն մի ընտրեք արդեն միլլիոններ կուտակած իշխանության դրածոին: