Ինչպես Aravot.am-ին տեղեկացրեց Գյումրու նորաբաց բժշկական կենտրոնի տնօրեն Արմեն Իսահակյանը, այսօր հիվանդանոցից դուրս են գրել ապրիլի 23-ին Գյումրու Շիրակացի փողոցում հնչած կրակոցներից հրազենային վնասվածքներ ստացած Հարություն Խաչատրյանին:
Նրա վիճակը, բժիշկների գնահատմամբ, բավարար է, սակայն քավորի վիրահատված ձեռքին սարքավորում է տեղադրված, դեռ երկար ժամանակ պետք է մնա բժիշկների վերահսկողության տակ:
Հիշեցնենք, որ վնասվել էր նաև Քավոր Հարութի լեզուն, նրան վիրահատող բժիշկ Խաչատուր Կարապետյանի փաստմամբ, գնդակը շարունակաբար ուսահոդից անցել էր դեպի ծնոտը` վնասելով բերանի խոռոչը և լեզուն: Նա երկար ժամանակ չէր կարողանում խոսել, սակայն փոքր ինչ ապաքինվելուց հետո ցուցմունք էր ներկայացրել նախաքննական մարմնին: Իսկ թե ինչ ցուցմունք է տվել Հարություն Խաչատրյանը, կանդրադառնանք քիչ անց:
Նունե ԱՐԵՎՇԱՏՅԱՆ
