Եվրամիության տարածաշրջանային համագործակցության ծրագիրը երկկողմանի շփման նոր հնարավորություն կտա
Առաջիկայում Հայաստանի երեք` Լոռի, Տավուշ, Շիրակ եւ Վրաստանի երկու` Ջավախք-Սամցխե եւ Քվեմո-Քարթլի մարզերի միջեւ համագործակցության նոր եզրեր կգծվեն:
Եվրամիության Արեւելյան գործընկերության տարածաշրջանային համագործակցության ծրագրերի շրջանակներում Հայաստանի եւ Վրաստանի միջեւ իրականացվելիք միջսահմանային համագործակցության նոր ծրագրերը միտված են խթանելու շփումները երկու երկրների պետական եւ ոչ պետական մարմինների միջեւ:
Այդ մասին այսօր լրագրողների հետ հանդիպման ժամանակ տեղեկացրեց ծրագրի փորձագետների խմբի ղեկավար Ալեքսեյ Սեկարյովը:
Կարդացեք նաև
«Երկկողմանի համագործակցությունը հնարավորություն կտա զարգացնելու գյուղատնտեսությունը, տուրիզմը, լուծելու բնապահպանական հարցեր եւ այլն»,-ասում է Ալեքսեյ Սեկարյովը:
«Մեր ծրագիրը տարածաշրջանային է, որը նպատակ ունի համագործակցության եզրեր գծել ՀՀ-ի երեք եւ Վրաստանի երկու մարզերի միջեւ, ինչպես նաեւ կյանքի կոչել այն նախագծերը, որոնք կարող են իրականացվել այս ծրագրի շրջանակներում»,-ասում է ծրագրի հասարակայնության հետ կապերի փորձագետ Նատալյա Դերեւյանկինան` փաստելով, որ ծրագրի իրականացման համար ամենագլխավոր գործոնը երկկողմանի համագործակցությունն է:
«Կարեւորն այն է, որ երկու կողմն էլ հետաքրքրվածություն ցուցաբերի, արդյունքում էլ լուծվեն միջսահմանային խնդիրներ»,-եզրափակում է Տատյանա Դերեւյանկինան:
Անուշ ԲՈՒԼՂԱԴԱՐՅԱՆ
