Aravot.am-ը տարբեր ահազանգեր է ստանում գյումրեցիներից այն մասին, որ այսօր առաջին սպառման ապրանքների թանկացումը մոլորեցրել է իրենց: Գյումրեցիներից շատերը առավոտ շուտ մտել են խանութ` հաց գնելու, սակայն տեսել են, որ խանութներից շատերում հաց չկա, իսկ վաճառողները շտապել են հաղորդել գույժը, թե վաղվանից հացը թանկանալու է` ամենայն հավականությամբ 140-ից դառնալու է մոտ 160 դրամ:
Ըստ վաՃառողների, հացարտադրողները այսօր խուսափել են իրենց ապրանքը մատակարարելուց` պատճառաբանելով, թե իբրեւ Վարդավառ է, տոն է, չեն աշխատել, սակայն իրականում վերջիններս հացի դեֆիցիտ են ստեղծել, որպեսզի վերջնական համաձայնության գան գնի շուրջ ու վաղը միանգամից թանկ գնով առաքեն խանութներ: Գյումրեցիները նաեւ փաստում են, որ այսօր թանկացել է բանջարեղենն ու միրգը, լոլիկի մեկ կլիոգրամը 200-250-ից դարձել է 350-400դրամ, 100 դրամանոց վարունգը դարձել է 350 դրամ, նույնիսկ թանկացել է ջերմուկը : Պաշտոնապես ամենաղքատ ճանաչված այս քաղաքի բնակիչները մոլորված են խայտառակ թանկացումներից, նրանք համոզված են, որ սրանով սկսվում է մասսայական արտագաղթի նոր սկիզբը, եւ սեփական կառավարությունը այնպես է անում, որ Գյումրիում մնան միայն ռուսական ռազմաբազայի ծառայողներն` իրենց ընտանիքներով:
Նունե ԱՐԵՎՇԱՏՅԱՆ
ու այդպես էլ կլինի…