«Ազատություն» ռադիոկայան. Վրաստանի նախագահի թեկնածու Նինո Բուրջանաձեն այսօր հայտարարել է, որ հոկտեմբերին կայանալիք Վրաստանի նախագահական ընտրություններում իր հաղթանակի դեպքում Միխայիլ Սաակաշվիլին կձերբակալվի:
Բուրջանաձեն «Վարդերի հեղափոխության» առաջնորդներից էր, Սաակաշվիլիի թիմակիցը, Վրաստանի խորհրդարանի նախկին նախագահը: Այնուհետև նա ընդդիմադիր դարձավ, «Ժողովրդավարական շարժում» կուսակցության ղեկավարն է:
Հուլիսի 10-ի մամուլի ասուլիսում Բուրջանաձեն հայտարարել է, որ եթե հաղթի նախագահական ընտրություններում, ապա անհապաղ հետաքննություն կսկսվի ապացուցելու, որ Սաակաշվիլիի «Միացյալ ազգային շարժում»-ը, նրա խոսքերով՝ «հանցագործ կազմակերպություն է», և որ «նա [Սաակաշվիլին] կձերբակալվի առաջինը:
Հրաչ Մելքումյան
