Հուլիսի 19-ին , 15-ն անց 20-ի սահմաններում Նոյեմբերյանի բժշկական կենտրոն է տեղափոխվել Բերդավան գյուղի բնակչուհի, 1971թ. ծնված Ն. Ա.-ն : Ածելիով իր ձախ նախաբազկի շրջանում կտրվածքներ արած բերդավանցուն Նոյեմբերյանի բժշկական կենտրոնում անհրաժեշտ բուժօգնություն են ցուցաբերել, ժամը 17-ի սահմաններում նա հիվանդանոցից դուրս է գրվել:
Նոյեմբերյանի բժշկական կենտրոնից տեղեկացանք, որ 32-ամյա չամուսնացած կինը եղել է ալկոհոլային հարբածության, գրեթե անգիտակից վիճակում:
«Լավ եմ արել, ձեր աչքն էլ եմ հանել»,- բժիշկներին եւ ոստիկաններին ասել է իրեն վնասած կինը: Նոյեմբերյանի բժշկական կենտրոնի «շտապ օգնության» ծառայության բուժքույրը չկարողացավ հիշել, թե սա բերդավանցու ինքնասպանության որերո՞րդ փորձն է:
«Ամեն 10 օրը մեկ նա իրեն վնասում է, զանգում՝ 911, փրկարարները, «շտապ օգնությունը» եւ ոստիկանները Նոյեմբերյանից մեկնում են Բերդավան»,- հայտնեց «շտապ օգնության» բուժքույրը: Վերջինիս վկայությամբ՝ բերդավանցի կինը ` որպես հոգեկան հիվանդ հաշվառված չէ: Նրա անձնագրի պիտանելիության ժամկետն անցել է , որի պատճառով չեն կարողանում հոգեկան առողջության ստուգման նպատակով կնոջը Երեւան կամ Վանաձոր տանել:
Կարդացեք նաև
Ոսկան ՍԱՐԳՍՅԱՆ
