«Չէի ասի՝ հակառուսական, բայց ամեն դեպքում նոր զգացում կա Հայաստանում ռուսների հանդեպ. հայերը ցույց են տալիս, որ իրենց համար իրենց հայրենիքն ու հայրենակիցը շատ ավելի կարեւոր են»,- «Առաջին լրատվական»-ի հետ զրույցում ասել է Ֆրանսիայի Ռազմավարական հետազոտությունների հիմնադրամի փորձագետ, քաղաքագետ Կայծ Մինասյանը:
Ըստ նրա, «Հայաստանի ժողովուրդն ու իշխանությունները ուզում են նայել իրենց ձեւով, իրենց մտածելակերպով, իսկ Ռուսաստանը տարօրինակ կեցվածք ունի: Նրանք չեն ցանկանում, որ Հայաստանը լինի ինքնիշխան, հզոր պետություն, Հայաստանին նայում են իբրեւ վասալի: Բացի Ռուսաստանից, Ադրբեջանից եւ Թուրքիայից՝ բոլորը հարգում են հայերին՝ իբեւ ազգ եւ պետություն, իսկ Ռուսաստանին Հայաստանը ձեռք է տալիս իբրեւ վասալ, իբրեւ թույլ իշխանություն ունեցող պետություն: Այն հարգանքը, որ չեն ցուցաբերում ռուսները Հայաստանի հանդեպ` իբրեւ պետություն, իբրեւ հին մշակույթ ունեցող ազգ, ցուցաբերում են եվրոպացիները»:
Հոդվածն ամբողջությամբ` սկզբնաղբյուր կայքում
