Ամուսիններն այժմ առանձին են ապրում
Տեղեկացրել ենք, որ վերջերս Տավուշի մարզի Իջեւանի տարածաշրջանի Այգեհովիտ գյուղում ամուսինը խանդի պատճառով երկու անգամ ծեծել է իր կնոջը, վերջինս էլ չդիմանալով՝ իրենց ցած է նետել առանձնատան երկրորդ հարկից: Տավուշի մարզի դատախազությունից տեղեկացանք, որ նախապատրաստված նյութերով քրեական գործի հարուցումը մերժվել է:
Տուժած կինը ոստիկաններին հայտնել է, որ ամուսինն իրեն չի ծեծել, որ ինքը երկրորդ հարկից ցած է նետվել ամուսնուն վախեցնելու նպատակով, որպեսզի ամուսնալուծության դեպքում իրենց փոքր՝ 3-րդ երեխային իրենից չխլեն: Կինը երկրորդ հարկից ցած նետվելուց հետո մեծ վնասվածքներ չի ստացել: Այգեհովիտ համայնքից տեղեկացանք, որ ներկայումս ամուսիններն առանձին են ապրում:
Ոսկան ՍԱՐԳՍՅԱՆ
