Այս պահին, ինչպես տեղեկացրել ենք ՀՀ Վերաքննիչ դատարանում ընթանում է ՀԱԿ ակտիվիստների դատավարությունը: Դատավոր Եվա Դարբինյանը գնացել էր խորհրդակցական սենյակ՝ պաշտպան Մուշեղ Շուշանյանի միջնորդության վերաբերյալ որոշում կայացնելու:
Պաշտպանն առաջարկել էր Տիգրան Առաքելյանի խափանման միջոցը փոխել եւ նրան կալանավայրից ազատ արձակել, քանի որ նա արդեն 2 տարի է՝ բանտում է: Անմեղության կանխավարկածը հաշվի առնելով՝ ըստ պաշտպանի, դա անթույլատրելի է:
Քիչ առաջ դատավորը հրապարակեց որոշումը՝ միջնորդությունը մերժեց՝ խափանման միջոցը թողնելով անփոփոխ:
Տիգրան Առաքելյանը հայտարարություն արեց՝ լսելով որոշումը. «Այնքան ուրախացել էի, երբ իմացել էի, որ հայ կին է քննելու գործը: Ճիշտն ասած ուզում էի ծաղիկներով գալ: Մենք շատ ճիշտ ենք անում, որ հայ կնոջ մոր տեսակը պահպանելու համար պայքարում ենք, ամեն ինչ անում ենք, որ դուք կապված չլինեք որեւէ հանգամանքից: Ես ամեն դեպքում դեռ հիասթափված չեմ»:
Դատարանի դահլիճը թնդաց բուռն ծափերից, ինչը զայրացրեց դատավորին. «Ծափահարությունները էս դահլիճի համար չեն: Պահանջում եմ, որ դուք հարգեք դատարանին եւ կարգուկանոն պահպանեք»:
Հռիփսիմե ՋԵԲԵՋՅԱՆ
«հայ կնոջ մոր տեսակը» մի տեսակ… էն չէր…