Այսօր «Պոստ Սկրիպտում» ակումբում Ինֆորմացիայի ազատության կենտրոնի (ԻԱԿ) իրավաբան Գեւորգ Հայրապետյանը խոսեց տեղեկության ազատության սահմանափակման եւ վճարովի ավտոկանգառի բիզնեսով զբաղվող «Փարկինգ Սիթի Սերվիսի» մասին` նշելով, որ ընկերությունը հրաժարվել է տեղեկատվություն տալուց:
Կենտրոնը որոշել է նախաձեռնել դատական գործ` ընդդեմ «Փարկինգ Սիթի Սերվիսի»: Նրանց կարծիքով, այն կազմակերպությունը, որը իրականացնում է քաղաքապետարանի կամ որեւէ այլ պետական մարմնի կողմից պատվիրակված լիազորություններ, պետք է ստանձնի այդ լիազորություններին համապատասխան պարտավորություններ:
Իրավաբանն ասաց, որ Ինֆորմացիայի ազատության կենտրոնն արդեն 3 հարցում է ուղարկել տարբեր մարմիններին՝ ՀՀ ոստիկանություն, Երեւանի քաղաքապետարան եւ «Փարկինգ Սիթի Սերվիս»:
«Ճանապարհային ոստիկանությունն ասաց, որ դիմենք քաղաքապետարան, քաղաքապետարանն էլ ասաց` դիմենք «Փարկինգ Սիթի Սերվիսին», վերջինս
Կարդացեք նաև
էլ հայտարարեց, որ ինքը հանրային նշանակության կազմակերպություն չէ եւ պարտավոր չէ տեղեկատվություն տալ: Ստացվեց փակ շղթա: Այս էլ այն դեպքում, երբ մեր ցանկացած տեղեկությունը այդքան էլ խնդրահարույց չէր:
Մենք խնդրել էինք տրամադրել Երեւան քաղաքում վճարովի ավտոկայանատեղերում տեղադրված յուրաքանչյուր տեսանկարահանող սարքի համար հիմք հանդիսացած իրավական ակտի պատճենը»,-մեկնաբանեց Գեւորգ Հայրապետյանը:
Իրավաբանը նշեց նաեւ, որ «Փարկինգ Սիթի Սերվիսի» կատարած գործողությունները որոշ չափով սահմանափակում են մարդկանց անձնական կյանքի անձեռնմխելիությունը. « Ես իմ անձնական օգտագործման մեքենան կանգնեցնում եմ իմ քաղաքի իմ փողոցում. ինձ նկարում են: Բայց ինձ կարող են նկարել բացառապես կամ օրենքով սահմանված կարգով, կամ իմ համաձայնությամբ: Իսկ «Փարկինգ Սիթի Սերվիսը» ասում է, որ շուկայում մենաշնորհ ու իշխող դիրք չունի եւ ծառայություններ չի մատուցում հանրությանը: Եթե մեզ ծառայություն չի մատուցում, ինչո՞ւ նրան վճարենք»:
Քրիստինե ԳՐԻԳՈՐՅԱՆ
