Նախագահ Սերժ Սարգսյանը 2013 թվականի սեպտեմբերի 30-ին Հայաստանի Հանրապետության Ազգային ժողովի քննարկմանն է ներկայացրել Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մաuին առաջարկությունը:
«Համաներում հայտարարելու մասին» ՀՀ նախագահի առաջարկն ԱԺ-ն արդեն ստացել է: Ո՞ր հոդվածների վրա է այն տարածվելու եւ արդյոք քաղաքական հայացքներով դատապարտվածները ազատ կարձակվեն`հարցերը դեռեւս անպատասխան են: Թեեւ նախագահի առաջարկություններում արդեն իսկ հստակ նշված են հոդվածները, որոնց վրա տարածվելու է համաներումը, բայց դրանք առայժմ չեն հրապարակվում: ՀՀԿ խմբակցության քարտուղար Հովհաննես Սահակյանն Aravot.am-ի հետ զրույցում ասաց, որ հարցը դեռեւս պետք է քննարկվի պետաիրավական հարցերի փակ նիստում: Միայն լիագումար նիստերի օրակարգ ընդունվելուց հետո արդեն հստակ կհրապարակվեն այն հոդվածները, որոնց վրա տարածվելու է համաներման առաջարկը:
Նելլի ԳՐԻԳՈՐՅԱՆ
