«Ես կարծում եմ, որ այս պահին երկու կողմերն էլ հանձինս Եվրոմիության անդամ երկրների քննարկում են այդ իրադրությունը: Մենք փորձում ենք գտնել այն ճիշտ ձեւաչափը, որով կարող ենք առաջ տանել Հայաստան- Եվրոմիության հետ համագործակցությունը»,- այսօր այս մասին «Մեդիա կենտրոնում»` անդրադառնալով` Հայաստանի Մաքսային միության միանալու հայտարարությանը, ասաց Հայաստանում Մեծ Բրիտանիայի արտակարգ և լիազոր դեսպան Ջոնաթան Էյվսը` հավելելով, որ որպես ԵՄ անդամ պետություն` իրենց հուզում է այն, որ ՀՀ կառավարության ներկայացուցիչները շարունակում են պնդել, որ սեպտեմբերի երեքից հետո հնարավոր է համագործակցություն ԵՄ-ի հետ:
«Հայաստանի իշխանությունները կոնկրետ առաջարկներով պետք է հանդես գան, մասնավորապես նշեն` որ բնագավառներում են տեսնում համագործակցությունը ԵՄ-ի հետ: Ուզում եմ նշել, որ թե´ Հայաստանի, թե´ ԵՄ-ի կողմից կա ցանկություն առաջ տանելու և զարգացնելու հարաբերությունները»,-ընդգծեց նա:
Դեսպանի խոսքով` կան մի քանի բրիտանական կազմակերպություններ, որոնք ներդրումներ են իրականացրել Հայաստանում. «Դեղագործության բնագավառում լավ ներդրումներ կան, բայց ներկայիս վիճակը շատ անբավարար է: Ներդրումներն իրենց չափով ու քանակով շատ քիչ են: Փորձում ենք խրախուսել բրիտանական ընկերություններին Հայաստանում ներդրումներ անելու համար, ինչպես նաև օրինակ ծառայել աշխարհի մյուս երկրների համար, որ հասկանան` Հայաստանում ներդրումային մեծ դաշտ»,-նկատեց դեսպանը:
Կարդացեք նաև
Քրիստինա ՄԻՐԶՈՅԱՆ
