Երեխային հիվանդանոցից առևանգելու համար Հայաստանի քաղաքացի Բենիկ Կարապետյանը Ստավրոպոլում դատապարտվել է երեք տարվա ազատազրկման: Հայտնում է «Ռեգնում» լրատվական գործակալությունը:
Հետաքննությունը պարզել է, որ 2012թ. սեպտեմբերի 4-ին, ներկայանալով որպես երեխայի ազգական, նա մտել է քաղաքային մանկական հիվանդանոց և առևանգել երեխային:
Նույն օրը, անչափահաս երեխայի մոր մի քանի անգամ կատարած զանգերից հետո, նա հանդիպում է նշանակել Ստավրոպոլի «Հաղթանակ» զբոսայգում ժամը 20:00: Ոստիկանությունը Կարապետյանին աղջկա հետ միասին բռնել է 21:30 «Սալյուտ» կինոթատրոնի մոտ:
Ավելի վաղ «ՌԻԱ նովոստի» լրատվականն առանց առևանգողի անունը հրապարակելու գրել էր, որ Կարապետյանն այդ քայլին է գնացել, քանի որ սոցիալական ծառայությունները մորը ծնողական իրավունքներից զրկելու գործընթաց էին սկսել: Հարցաքննության ժամանակ նա ասել էր, որ ուզում էր 11 ամսական երեխային տանել Երևան ու զբաղվել նրա դաստիարակությամբ, ինչպես նաև պարզվել էր որ Կարապետյանը ծանոթ է երեխայի հոր հետ, այցելում էր նրանց ընտանիքին և օգնում գումարով:
Կարդացեք նաև
Պատրաստեց Հովհաննես ԻՇԽԱՆՅԱՆԸ
