Լոռու մարզի ընդհանուր իրավասության առաջին ատյանի դատարանում, դատավոր Մուշեղ Հարությունյանի նախագահությամբ, սկսվել է «Վանաձորի Տարեցների տուն» հիմնադրամի բժշկուհի Մարինե Դ.-ի դատաքննությունը:
Համաձայն մեղադրական եզրակացության` Մարինե Դ.-ին մեղադրանք է առաջադրվել այն բանի համար, որ նա հանդիսանալով «Վանաձորի Տարեցների տուն» հիմնադրամի բժշկուհի, կյանքի համար վտանգավոր վիճակում գտնվող և անգիտակից լինելու հետևանքով ինքնապահպանության միջոցներ ձեռնարկելու հնարավորությունից զրկված տարեցների տան բնակչուհի Սվետլանա Դ.-ին, երկու օրվա ընթացքում օգնություն ցույց տալու իրական հնարավորություն ունենալով հանդերձ, թողել է անօգնական վիճակում:
Մարինե Դ.-ն նախկինում դատված չի եղել:
Խափանման միջոց է ընտրվել ստորագրություն չհեռանալու մասին:
Կարդացեք նաև
Նրա որդին` Պարույր Գ.-ն, ինքնասպան էր եղել անցած տարվա դեկտեմբերի 26-ին:
Շրջանառվող լուրերի համաձայն` ինքնասպանության պատճառը մոր դեմ հարուցված քրեական գործն է:
Անուշ ԲՈՒԼՂԱԴԱՐՅԱՆ
